FANDOM


Alfonso XI de Borgoña, el Xusticieru (Salamanca, agostu de 1311Xibraltar, marzu de 1350), foi rei de Castiella y de Llión.


Fiyu de Fernando IV l'Emplazáu ya de Constanza de Portugal y nietu de doña María de Molina, qu'exerció la rexencia na so minoridá. Subió al tronu de Llión y Castiella cuando tenía un añu d'edá. La mayoría de edá algamola con 14 años.


A lo llargo del so reináu consiguió treslladar les llendes cristianes fasta l'Estrechu de Xibraltar tres la perimportante victoria na batalla del Salado nel 1340 y la conquista d'Alxeciras en 1344.


Tres d'un primer matrimoniu nun consumáu, y dempués anuláu, con Constanza Manuel, fiya del Infante don Xuan Manuel; casó en 1328 con so prima hermana María de Portugal (1313 - 1357), fiya d'Alfonso IV de Portugal, el Bravu, cola que tuvo dos fiyos:


Fernando (1332), muertu enantes de cumplir un año y;


· Pedro el Cruel (1334 - 1369), futuru rei de Castiella y Llión col nome de Pedro I.


Dende'l añu 1329 tuvo diez fiyos con Leonor Núñez de Guzmán (1310 - 1351) (tataranieta d'Alfonso IX de Llión):


· Pedro Alfonso (1330 - 1338), Señor d'Aguilar;


· Juana Alfonso (1330 - ¿?), Señora de Trastámara;


· Sancho Alfonso (1331 - 1343), Señor de Ledesma;


· Enrique Alfonso el de las Mercedes (1333 - 1379), señor de Trastámara, fundador de la Casa de Trastámara y futuru rei de Castiella y de Llión col nome d'Enrique II;


· Fadrique Alfonso (1333 - 1358), mielgu del anterior, Maestre de la Orden de Santiagu y Señor d'Haro; de quien descienden los Almirantes de Castiella-Duques de Medina de Rioseco (Familia Enríquez);


· Fernando Alfonso (¿? - ¿?), Señor de Ledesma;


· Tello Alfonso (1337 - 1370), primer Señor d'Aguilar de Campoo y Lara, Conde de Vizcaya y de quien descienden los Marqueses de Aguilar de Campoo;


· Xuan Alfonso (1341 - 1359), Señor de Badajoz ya de Xerez de la Frontera;


· Sancho Alfonso (1345 - 1342), Conde d'Alburquerque;


· Pedro Alfonso (1345 - 1359), mielgu del anterior.


Diéron-y el nomatu del Xusticieru por caltener controlada a la nobleza yá dende qu'algamara'l poder, nun importando-y en munches vegaes, pa algamar esi sometimientu, recurrir al axusticiamientu de los nobles o mesmamente a los asesinatos y emboscaes, como ocurrió con don Xuan el Tuertu, na ciudá de Toro.


Morrió nel sitiu de Xibraltar víctima de la peste, siendo asina l'únicu monarca de toda Europa afeutada, en morrer víctima de la enfermedá. El so cadáver foi lleváu a Xerez de la Frontera u s'embalsamó. El so cuerpu foi enterráu en Sevilla.


A Alfonso XI atribúyise-y una cantiga d'amor empobinada a Lleonor Núñez de Guzmán.