FANDOM


Zamora (Zamora in llingua Llïonesa, Zamora in English Language) ye la capital de la provincia de Zamora. Allúgase al norueste de la Península, cerca de la raya con Pertual. Percuérrela'l rieu Douru.


Ye coñecida pul arte románicu, yá que ye la ciudá del mundiu que de xuru tien más iglesias nel sou centru urbanu, y pula cellebración de la Selmana Santa, fiesta llocal d'interés turísticu.

ESCUDU DE ZAMORA Editar

ESCUDOZAMORA


Hestoria de Zamora Editar

La cuasi enteira provincia zamorana tuvu dientru de las fasteiras domeñadas polos astures, puebru prerromanu. Tamien los vaceos que quiciabis pudienun fundar la cidá, manque tamién pudienun eser los romanos quienes fundasen la villa imponiénduye'l nome llatinu "Occelum Durii" (gueyín del rieu Dueru), na época de las griescas de Viriatu escontra la invasión de Roma.

Nos tiempus la dominación xermana, los visigodos coñocen la cidá col nome de "Semure", talmente cumo aparece en dúas monedas de Sisebuto. Los nómes árabes de la cidá fuenun "Azemur" (acebuche) y "Semurah" (ciudá de las turquesas). El nome autual paez proceder ou de la dominación xermana ou de la musulmana, y yia citáu cumo tal nel Salmanticense cumo "una de las prazas recobradas por Alfonsu I a los moros".


L’HESTORIA ANTIGA


Vencíus los cartaxineses por Roma na figura d’ Emiliu Escipión, la península ibérica (Hispania) pasu ente pasu fou conquistada polos romanos. Eistos anexiononun pacíficamente ou a sangue ya fierru (-180 a –121) los distintos puebrus y tribus, restandu Zamora dientru la provincia romana de Gallaecia con capital en Astúrica Augusta (Astorga). Munchas puontes, fuontes ya calzadas fonun axeitadas n’aqueilla edade.


Nel sieglu V vándalos, alanos ya suebos pasonun a Hispania quedandu los suebos nel norgueste de la península incluida la cuasi totalidá la provincia zamorana. Más avante el Reinu Visigodu vencíu al Suebu nel 585, tomandu Toledo las riendas de la nuesa Hestoria.

Nel añu 711 el rei godu Rodrigu perdióu escontra los sarracenos nas batallas de Guadalete ya Segoyuela (na Sierra de Francia de Sallamanca) entamandu entuences la Hispania musulmana.


LA EDÁ MEDIA


Zamora ye apresada ya esfrayada polos musulmanes al mando del Emir Mohamed. Poucu dempués fou reconquistada polos cristianos nel reináu del rei Alfonsu II d’Asturias, el Castu, siendo de nueu fortificada.

El Alfonsu III (866-910) asitia la capital del Reinu en Llión emprincipiandu el Reinu de Llión dafeitu. La raya-fronteira sedrá entuences el rieu Douro. El rei Alfonsu III repuebla Zamora con mozárabes toledanos en el 893, arrodeándulla de murallas ya dotándulla mesmamente de palacios ya baños, torgánduse, pel sou emplazamientu ya carauterísticas, na cidá fortaleza más importante de los reinos cristianos. Zamora ye descrita polos cronistas árabes, cumo “la capital del reinu Galicia, arrodeada de siete recintos amurallados ya grandes fosos”. Sedrá una de las plazas más prestosas del Reinu LLionés n’aqueilla época. A mayores entama entuences l’etapa de mayor rellume políticu, económicu ya arquitectónicu. Siguienun los asedios árabes ensin llograr arrebatar la cidá a los cristianos (salvo la destrucción que provocó Abu’Amir-Al Mansur ,“el victorioso” en 981) fasta los cabeiros años del siglu XI.

"Zamora la bien cercada" chamóula Fernando I de Castiella ya rei consorte de Llión, que fou quien la reconstruyóu. Doutramiente repoblóula con montañeses ya amurallóula de nueu. En murriendu Fernandu ye Alfonsu VI (1065-1109) rei de Llión. Ye entuences que la independencia del Reinu Llionés ta amenazada pola campaña militar de Sanchu de Castiella.


Zamora a la muerte de Fernándu I pasara cuemu herieda a sua fiya Doña Urraca. Tandu Sanchu II nuno de los cercus a la ciudá, (perconocida fazaña épica pañada nel romanceru español) eiste muerre dafecho cuandu intentaba tomar la ciudá gobernada por su irmana Doña Urraca, (ye pusibre que ante los gueyos de El Cid). La bravura de la cidá lintres l’asediu del exércitu de Sanchu fizera popular el dichu decideru llionés: Nun ganóuse Zamora nuna hora.


Outru fechu reseñable de la cidá foi la conferencia de paz ente’l rei Alfonsu VII de LLión“imperator” ya’l sou curmanu Alfonsu Herriques de Pertual. Cumo resultáu el 5 d’oitubri de 1143 fou recoñecida l’independencia del nueu reinu que quedóu espeyada nel Tratáu de Zamora ya’asiñala de móu oficial el ñacimientu de Pertual. Alfonsu Henriques tras algamare Llisboa cola ayuda de los cruzáus, foi recoñecíu Rei pol Papa Alexandru III (1179).

Dempués del sou apogeo nel sieglu XII ya conforme desplazábase cacia’l sud la raya-fronteira de la reconquista de la península polos reis cristianos, Zamora foi perdiendu importancia estratéxica ya económica.

Fernandu II ya Alfonsu IX, reis exclusivos del Reinu de Llión, puxanun na reconquista ya va cegar la raya colos musulmanes fasta’l Guadiana (Mérida-Badajoz).

Ye perfamosu Alfonsu IX (zamoranu por ñacimientu) pur convocare nel primer añu del sou reináu (1188) las primeiras Cortes “democráticas” d’ Uropa na que participonen representantes del tercer estáu: los representantes de las ciudaes, ou burguesía -Zamora ente eillas-.

La vida zamorana prosigéu dientru del Reinu de Llión estableciendu rellaciones fondeiras con Asturias ya Extremadura mediante el caminu mozárabe a Santyagu Compostela, la Ruta la Plata ya las cañadas ganaderas orientadas ñorte-sud; eixes perimportantes eistos de la comunidá de cultura, costumes ya folklore de las rexones que pertenecienun a la corona Llïonesa.


L’EDÁ MODERNA. L’ANTIGU RÉXIMEN.


Dempués del descubrimientu d’América, munchos zamoranos viéronse obligáus pola probeza económica de las fasteiras a emigrar al continente, n’especial cacia América del Sur on fundonun munchas outras ciudáes col sou mesmu nome.


Nos sieglus XVI,XVII ya XVIII, Zamora alcuentrase dientru del chamáu Reinu de Llión, Primeiru “los Austrias” fasta Carlos II ya dempués “los Borbones” nun van a privlilexar a Zamora de mou especial


L’EDÁ CONTEMPORÁNEA.


El sieglu XIX principia n’Hespaña cola collaboración con Francia que darréu torgouse na invasión francesa ya nuna guerra díndependencia on va sofrir muitu menoscabu la provincia y Zamora.

Nel 1833, añu nel que muerre Fernandu VII, cola división de los reinos d’Hespaña se forma la autual provincia de Zamora que xunta Salamanca y Llión costituían las tierras del Reinu de Llión. El decretu del ministru Javier de Burgos tie llugar na rexencia de María Cristina , mái de Isabel II que cuntaba tres años d’edá.


Zamora según eiste decretu de 1833, inda vixente, pertenez al Reinu de Llión, manque la cadarma autonómica amestóu, escontra la lletra la Constitución, eiste territoriu hestóricu a provincias de Castiella la Vieya (sacadas Santander y Logroño) nel añu 1983 (Gobiernu de Calvo Sotelo) pesie las denuncias de partíus políticos, intelectuales, presonas particulares ya asociaciones rexionaliegas.


Ya nel sieglu XX l’emigración canalizóuse cacia outras provincias ya rexones más prósperas cumo el País Vasco, Cataluña, Madrid ou Valladolid principalmente.


EL SIEGLU XXI


Un que cinca al momentu autual, Zamora, asombrosamente retrocede a paus axigantáus poblacional ya económicamente; se esfrayan puestos de trabayu asgaya, atuellándose, estancánduse tantu la cidá cumo la provincia sicasí nuna época propicia, xida perfeuta, pal progresu xeneral delas provincias dientru las Autonomías d’Hespaña.